Hinahangaan at talaga namang sikat ang Pinoy sa buong mundo dahil sa mga kagilagilalas at natatanging kaalaman at abilidad nating mga Filipino. Nakita na natin ang ilan sa mga ito. Andyan sina Manny Pacquiao, Efren Penaflorida, Arnel Pineda, Apl.De.Ap at marami pang iba na talaga naman nagpaangat sa ating lahing Filipino.

Bukod sa mga nasabing personalidad, narito pa ang ilan sa mga dahilan kung bakit natatangi at sikat ang Pinoy.

Sikat ang pinoy dahil sa ang Pilipinas ay isa sa mga bansang may pinakamaraming legguahe o uri ng pananalita. Ang pinakamalawak na ginagamit ay ang Tagalog.  Sa ngayon, mayroong 170 wika sa buong kapuluan. Ang pinakamalawak na ginagamit na uri ng salita ay ang Tagalog. Mahigit sa 80% ng populasyon ng Pilipinas ay ginagamit ang wikang Tagalog. Bagamat may mga pagkakaiba ng ginagamit na salita o wika, ang mga Pilipino ay nanatiling nagkakaisa at matatag sa anumang pagsubok na dumarating.

Ang mga Filipino ay malikhain. Nakita na natin ito sa mga ibat ibang mga klase ng laro n gating mga ninuno. Ang mga naturang laro ay ginagamitan ng pisikal at mental na abilidad. Hindi katulad ng mga ibang banyagang laro na ikaw ay nakaupo lamang, ang mga larong Pinoy ay tinuturing na isa sa mga pinakamasaya at magandang ehersisyo para sa katawan.

Ilan lamang ito sa mga dahilan kung bakit natatangi, sikat ang Pinoy at talaga namang kinikilala ang mga Filipino. Kung mayroon kang nais idagdag o ipahayag, maari mo itong sambitin sa pamamagitan ng pagkokomento. Mangyari lamang na ipahayag ito sa wikang Tagalog.

Si Apl.De.Ap o si Allan Pineda Lindo sa tunay na buhay ay isang Filipino-Amerikano hip hop na musikero, record producer at isa sa miyembro ng sikat na grupong Black Eyed Peas.

Maiksing Kwento Patungkol Kay Allan Pineda

Si Apl.de.ap ay isinilang sa Sapang Bato, Angeles City, Pampanga, sa Pilipinas noong Nobyembre 28, 1974. Ang kanyang ina ay isang Filipina at ama naman niya ay isang African American. Ang kanyang ama, isang US airman na naka base noon sa Clark Air Base. Iniwan sila ng kanyang ama  nuong siya ay pinanganak ng kanyang inang si Cristina Pineda. Si Allan at ang kanyang anim na nakababatang kapatid ay magisang pinalaki at tinaguyod ng kanilang ina. Dalawa sa kanyang mga kapatid ay yumao na: Si Arnel, na sinasabing nagpakamatay at ang kanyang bunsong kapatid na lalaki, Joven Pineda Deala, ay nasawi sa edad na 22 sa noong Pebrero 2009 sa Porac, Pampanga.

Noong kabataan niya, Si Apl ay gumugugol ng isang oras na paglalakbay mula bahay papunta sa paaralan at pabalik muli sa kanilang tahanan. Siya ay nakatulong sa kanyang pamilya sa pamamagitan ng pagsasaka at pagbebenta ng matamis na patatas, mais, tubo at bigas.

Ang Pearl S. Buck Foundation ay isang organisasyon tumutulong at nangangalaga sa mga Amerasian na kabataan ang naunang tumulong kay Allan Pineda. Si Apl ay binigyan ng isang mabuting isponsor sa katauhan ni Joe Ben Hudgens. Una siyang nakaapak sa Estados Unidos sa edad na 11 upang matrato ang nystagmus, isang kapansanan sa loob ng mata.

Sa isang paglalakbay sa Disneyland, ipinahayag ni Apl ang kanyang interes na manatili at manirahan sa Estados Unidos. Ang pamilya Hudgens ay gumugol muli ng tatlo pang taon upang opisyal na maampon si Allan Pineda.

Impluwensya Sa Musika Ni Allan Pineda

Si Apl.De.Ap ay naiimpluwensyahan nina Stevie Wonder, The Eagles, The Beatles, A Tribe Called pithaya, De La Soul, Leaders of the New School at ang popular na bandang Filipino / katutubong grupo na Asin. Si Apl ay namulat sa hip-hop sa pamamagitan ng break dancing.

Ang Karera Ni Apl.De.Ap

Siya at si Will.I.Am ay bumuo ng isang break-dancing na grupo na tinawag nilang Tribal Nation at regular na nagtanghal sa mga lugar Southern California.  Mula 1992-1995, ang kanilang grupo ay pinangalanang Atban Klann (ATBAN ay kumakatawan sa a terrific “A Tribe Beyond a Nation”) at kasama sina MC Mookie Mook, Dante Santiago at producer DJ Motiv8. Ang Atban Klann ay nasa pangangalaga ng Eazy-E’s label, Ruthless Records ngunit sa pagyao ni Eazy-E, naging hudyat din ito ng pagbaba ng kanilang grupo.

Dinala at pinagmalaki ni Apl ang kultura ng Filipino sa kanyang pagsapi sa grupong Black Eyed Peas. Naibahagi niya ang kwento ng kanyang buhay Filipino sa kantang  “The Apl Song” sa album nilang ‘Elephunk. Sa kantang ito, may bahagi rito na lirikong Tagalog mula sa kanta ng grupong “Asin” na  “Balita.”

Kasama sa mga video na ito ang mga kapwa Filipino-Amerikano na sina Dante Basco at Chad Hugo. Ito ay isa ring pagkilala sa mga Pilipino na lumaban para sa US sa Ikalawang Digmaang Pandaigdig.

Ang kantang “Bebot” ay isa pang purong Tagalog na kanta mula sa album na Monkey Business. Ang video nito ay nagtampok ng mga Pilipino, Filipino Amerikano at iba pang Asyano-Amerikano mula sa mga lugar ng Los Angeles. Ito ay unang inilabas sa Pilipinas at sa ilang bansa sa Asya.

Si Apl.de.ap , sa ngayon ay gumagawa ng isang solo album. Noong Enero 3, 2009, kinanta niya ang kantang You Can Dream na tampok sina Billy Crawford, mula sa kanyang album, sa pang tanghaling palabas na Wowowee. Noong Agosto, nilabas niya ang music video para sa kanyang ikalawang kanta na Mama Filipina.

Sinimulan ni Apl.de.ap ang Apl Foundation. Ito ay nakatuon sa pagbibigay tulong sa komunidad at sa mga bata sa loob ng Pilipinas at sa buong Asya. Siya rin ang nagsimula ng kanyang sariling musika kumpanya na tinatawag na Jeepney Music, Inc Ito ay kasalukuyang nakabase sa Silver Lake, Los Angeles, California. Ito ay kasalukuyang humahawak sa DJs tulad ng Free School, DJ Rockyrock, DJ Mia, at PoetNameLife.

Nag record muli si Apl.de.ap ng isa pang tagalog na kanta para sa ikalimang Black Eyed Peas ‘album, “Ang END”. Ang kanta ay may titulong  “Mare”.  Ngayong 2009, mayroon din siyang kanta na pinamagatang “Take You to The Philippines” na umako at nagbigay inspirasyon sa Pilipinas. Ang kanta ay nabuo sa pakikipagtulungan ng Kagawaran ng Turismo ng Pilipinas.

Para sa karagdagang impormasyon tungkol kay Allan Pineda AKA Apl.De.Ap, mangyari lamang na tumungo sa mga sumusunod na pahina.
Apl De Ap Opisyal Na Pahina
MySpace Ni AplDeAp
Si Apl De Ap Sa Black Eyed Peas Na Pahina

Si Arnel Pineda ay isang kinikilala at popular na internasyonal Pinoy singer-songwriter na sa ngayon, ay pangunahing manganganta o bokalista ng sikat na bandang Journey. Si Arnel Pineda ay may matagumpay na karera sa larangan ng pagkanta sa mahigit 26 na taon.

Si Arnel Pineda ay isinilang sa Sampaloc, Manila. Ang kanyang mga magulang ang pinakaunang nagturo at nag enganyo sa kanya na kumanta at sumali sa mga ilang patimpalak ukol sa pagkanta.

Ang kanyang ina ay yumao nuong siya ay 13 taon gulang pa lamang. Ang naging karamdaman at pagyao ng kanyang ina ay isa sa naging dahilan sa pagkakaroon nila ng problemang pampinansiyal. Dahil rito, ang kanyang butihing ama ay nag desisyon na umalis sa kanilang inuupahang bahay at makiusap sa mga kamaganak nila na sila ay pansamantalang kupkupin. Para makatulong sa kanilang pamilya, si Arnel ay di na muna pumasok sa eskwela at nagpasyang tumulong sa paraang alam niya.

Sa loob ng dalawang taon, si Arnel ay napilitang manirahan sa lansangan at matulog kung saan man; sa mga pampublikong parke o sa labas ng bahay ng mga kaibigan. Nakakaipon sya ng kaunting salapi sa pamamagitan ng pagiipon at pagbebenta ng mga bote, dyaryo at mga bakal. Kung minsan siya ay napunta sa mga daungan ng barko at dun ay sasama sa mga kaibigan upang maglinis at magtiktik ng kalawang sa mga nakadaong na barko.

Wala siyang sapat na pagkain sa araw araw at minsan, tinitipid niya ang kanyang biskwit na binili upang magkasya sa loob ng 2 araw. Pero hindi ito naging dahilan para mawalan siya ng pag asa at mangarap ng maganda para sa kanyang kinabukasan.

Ang Karera Sa Pagkanta Ni Arnel Pineda

• Taong 1982 – Si Arnel ay 15 taong gulang.Naging pangunahing manganganta siya ng Ijos Band.

• Taong 1986 – Ang miyembro ng Ijoz ay gumawa ng bagong grupo sa pangalang AMO. Ang Amo ay nanalo sa isang Rock Contest sa Pilipinas.

• Taong 1988 – Ang Amo ay nanalo sa edisyong Pilipinas ng Yamaha World Band Explosion.

• Taong 1990 – itinatag ni Arnel at ibang kasapi ng AMO ang Intensity Five na banda at muling sumali sa Yamaha World Band Explosion. Nanalo si Arnel Pineda ng “Best Vocalist award” sa kompetisyong iyon.

• Taong 1991 – Si Arnel at ang kanyang bagong bandang New Age ay nadiskober ng isang “Talent Manager” at silay sinabihan nito at kinausap na tumungo sa Hong Kong para duon mag tanghal sa isang tanyag na restaurant.

• Taong 1999 – Si Arnel Pineda ay nakitaan ng angking galing at talento ng Warner Bros. record label. Sa pamamagitan ng Warner Bros., nakapagrecord si Arnel ng kanyang solo album na may sariling titulong “Arnel Pineda”.

• Taong 2004 - Ang 3 kasapi ng New Age na banda ay kumuha ng isa pang bokalistang babae na makakapareha ni Arnel sa pagkanta at sila ay tinawag na “Most W@nted”

• Taong 2005 – Nairekord ni Arnel ang pangunahing kanta ng pang radyong palatuntunan na “Dayo“. Ang bandang “The Visitors” ay naitayo upang suportahan ang “DAYO”. Ang “The Visitors” ay mga miyembrong galing sa bandang Ijos, Amo, New Age at Most W@nted. Lahat ng ito ay naging banda ni Arnel.

• Taong 2006 – sa patuloy na pagsusumikap at pakikipag negosasyon ng isang kinikilang Filipino talent manager and direktor, Bert de Leon, si Arnel ay bumalik sa Pilipinas kasama si Monet Cajipe, si Cajipe ay gitaristang nakasama ni Arnel sa lahat ng itinayo nilang banda.

• Dito itinayo nila ang bandang “The Zoo”.

Pamilya Ni Arnel Pineda

Sa ngayon, ang ama ni Arnel ay nagtatrabaho pa rin bilang mananahi dito sa Pilipinas. Ang kanyang 3 kapatid na lalaki ay may kanya kanya nang pamilya. Sinusuportahan pa rin ni Arnel ang kanyang kapadit na si Roderick sa pagaaral nito sa isang unibersidad.

May 3 anak si Arnel. Sina Matthew (20 taon), Angelo (12 taon), at Cherub (3 taon). Sa tuwing may pagkakataon, siya ay umuuwi ng bansa upang makasama ang kanyang butihing maybahay na si Cherry at ang bunsong anak na si Cherub.

Kahit na nasa rurok na ng tagumpay si Arnel, di niya nakakalimutan na ang lahat ng ito ay bigay at kaloob ng maykapal, kaya marapat lamang na kanya itong ibahagi sa kapwa. Si Arnel ay patuloy na tumutulong at sumusuporta sa mga organisasyong nagtataguyod at tumutulong sa mga batang lansangan at mahihirap niyang kababayan.

Nagsisilbi ring inspirasyon si Arnel sa lahat ng Filipino sa buong mundo. Isa siyang patunay na hindi hadlang ang nakaraan at kahirapan upang marating ang anumang mithiin sa buhay.

Mabuhay ka Arnel! Isa ka sa mga dahilan kung bakit Sikat Ang Pinoy , saan mang sulok ng mundo.

Para sa karagdagang impormasyon patungkol kay Arnel Pineda, tumungo sa mga sumusunod na website:

Interbyu Kay Arnel Pineda Sa Rolling Stone Magazine

Arnel Pineda Opisyal Na Pahina

Wikipedia Ni Arnel Pineda