Si Cristeta Pasia Comerford ay isang matuturing na bayani sa kadahilanang, itinaas nya ang kalidad nating mga Filipino sa larangan ng pagluluto. Siya ang White House Executive Chef mula pa noong 2005 hanggang sa kasalukuyan.

Isa itong malaking karangalan para sa mga Filipino lalo na sa mga kababaihan sapagkat si Cristeta Comerford ang kaunaunahang babae at Filipino na nailuklok sa naturang posisyon.

Si Cristeta Comerford ay ipinanganak sa pangalang Cristeta Pasia sa Sampaloc, Manila.  Siya ay nag aral ng high school sa Manila Science High School. Nagkolehiyo siya sa University of the Philippines sa kampus ng Diliman Quezon City kung saan kinuha niya ang kursong major in food technology. Ngunit, sa kadahilanang siya ay nag migrate papuntang Estados Unidos, di niya natapos rito ang kanyang pagaaral.

Cristeta Comerford At The Middle

Sa edad na 23, siya ay tuluyan nang nanirahan sa Estados Unidos. Dito, nakakuha sya ng kanyang trabaho. Una siyang nagtrabaho sa Sheraton Hotel. Pinamalas rin niya ang kanyang talento sa Hyatt Regency hotel. Makaraan ng ilang buwan, naisipan naman niyang lumipat sa Washington, D.C. kung saan muli siyang nakakuha ng trabaho bilang chef sa dalawang restaurants rito.

Ilang buwan pa ang lumipas at si Cristeta Comerford ay na recruit ng nuon ay executive chef na si Walter Scheib III sa taong 1995 upang mag trabaho sa Clinton White House.

Nang mag resign si Scheib bilang executive chef noong February 2005, si Cristeta Comerford ay na appoint ni First Lady Laura Bush bilang kaunaunahang babaeng White House executive chef noong August 14, 2005.

Isa sa mga nakitang dahilan kung bakit na appoint at napili si Cristeta Comefrod sa posisyong ito ay ang kanyang abilidad at kakayahang humawak ng isang malaking piging o salo salo nuong i honor nila ang Indian Prime Minister Manmohan Singh.

Noong January 9, 2009, ipinahayag ng pamunuan ni President Obama na si Cristeta Comerford ay hindi aalis at patuloy na magiging Executive Chef ng White House.

Si Cristeta Comerford ay napanood sa buong America at ibang bahagi ng mundo nang ipinalabas sa mga istasyon ng TV ang episode na Iron Chef America. Kasama niya rito ang ibang batikang chef tulad nina Bobby Flay na kanyang naging katambal sa episode na ito. Sila ay nakipagtunggali sa team nina Emeril Lagasse at Mario Batali. Sina Comerford at Flay ang nagwagi rito.

Sa kasalukuyan, si Cristeta Comeford ay naninirahan sa Columbia, Maryland kasama ang asawang si John at anak na si Danielle.

Si Cristeta Comerford Ng Maynila ay tunay na isang Sikat na Pinoy. Isa na rin siyang matuturing na makabagong bayaning Filipino. Itinaas niya ang lahi nating mga Filipino. Mabuhay ka Cristeta Pasia Comerford!.

Si Arnel Pineda ay isang kinikilala at popular na internasyonal Pinoy singer-songwriter na sa ngayon, ay pangunahing manganganta o bokalista ng sikat na bandang Journey. Si Arnel Pineda ay may matagumpay na karera sa larangan ng pagkanta sa mahigit 26 na taon.

Si Arnel Pineda ay isinilang sa Sampaloc, Manila. Ang kanyang mga magulang ang pinakaunang nagturo at nag enganyo sa kanya na kumanta at sumali sa mga ilang patimpalak ukol sa pagkanta.

Ang kanyang ina ay yumao nuong siya ay 13 taon gulang pa lamang. Ang naging karamdaman at pagyao ng kanyang ina ay isa sa naging dahilan sa pagkakaroon nila ng problemang pampinansiyal. Dahil rito, ang kanyang butihing ama ay nag desisyon na umalis sa kanilang inuupahang bahay at makiusap sa mga kamaganak nila na sila ay pansamantalang kupkupin. Para makatulong sa kanilang pamilya, si Arnel ay di na muna pumasok sa eskwela at nagpasyang tumulong sa paraang alam niya.

Sa loob ng dalawang taon, si Arnel ay napilitang manirahan sa lansangan at matulog kung saan man; sa mga pampublikong parke o sa labas ng bahay ng mga kaibigan. Nakakaipon sya ng kaunting salapi sa pamamagitan ng pagiipon at pagbebenta ng mga bote, dyaryo at mga bakal. Kung minsan siya ay napunta sa mga daungan ng barko at dun ay sasama sa mga kaibigan upang maglinis at magtiktik ng kalawang sa mga nakadaong na barko.

Wala siyang sapat na pagkain sa araw araw at minsan, tinitipid niya ang kanyang biskwit na binili upang magkasya sa loob ng 2 araw. Pero hindi ito naging dahilan para mawalan siya ng pag asa at mangarap ng maganda para sa kanyang kinabukasan.

Ang Karera Sa Pagkanta Ni Arnel Pineda

• Taong 1982 – Si Arnel ay 15 taong gulang.Naging pangunahing manganganta siya ng Ijos Band.

• Taong 1986 – Ang miyembro ng Ijoz ay gumawa ng bagong grupo sa pangalang AMO. Ang Amo ay nanalo sa isang Rock Contest sa Pilipinas.

• Taong 1988 – Ang Amo ay nanalo sa edisyong Pilipinas ng Yamaha World Band Explosion.

• Taong 1990 – itinatag ni Arnel at ibang kasapi ng AMO ang Intensity Five na banda at muling sumali sa Yamaha World Band Explosion. Nanalo si Arnel Pineda ng “Best Vocalist award” sa kompetisyong iyon.

• Taong 1991 – Si Arnel at ang kanyang bagong bandang New Age ay nadiskober ng isang “Talent Manager” at silay sinabihan nito at kinausap na tumungo sa Hong Kong para duon mag tanghal sa isang tanyag na restaurant.

• Taong 1999 – Si Arnel Pineda ay nakitaan ng angking galing at talento ng Warner Bros. record label. Sa pamamagitan ng Warner Bros., nakapagrecord si Arnel ng kanyang solo album na may sariling titulong “Arnel Pineda”.

• Taong 2004 - Ang 3 kasapi ng New Age na banda ay kumuha ng isa pang bokalistang babae na makakapareha ni Arnel sa pagkanta at sila ay tinawag na “Most W@nted”

• Taong 2005 – Nairekord ni Arnel ang pangunahing kanta ng pang radyong palatuntunan na “Dayo“. Ang bandang “The Visitors” ay naitayo upang suportahan ang “DAYO”. Ang “The Visitors” ay mga miyembrong galing sa bandang Ijos, Amo, New Age at Most W@nted. Lahat ng ito ay naging banda ni Arnel.

• Taong 2006 – sa patuloy na pagsusumikap at pakikipag negosasyon ng isang kinikilang Filipino talent manager and direktor, Bert de Leon, si Arnel ay bumalik sa Pilipinas kasama si Monet Cajipe, si Cajipe ay gitaristang nakasama ni Arnel sa lahat ng itinayo nilang banda.

• Dito itinayo nila ang bandang “The Zoo”.

Pamilya Ni Arnel Pineda

Sa ngayon, ang ama ni Arnel ay nagtatrabaho pa rin bilang mananahi dito sa Pilipinas. Ang kanyang 3 kapatid na lalaki ay may kanya kanya nang pamilya. Sinusuportahan pa rin ni Arnel ang kanyang kapadit na si Roderick sa pagaaral nito sa isang unibersidad.

May 3 anak si Arnel. Sina Matthew (20 taon), Angelo (12 taon), at Cherub (3 taon). Sa tuwing may pagkakataon, siya ay umuuwi ng bansa upang makasama ang kanyang butihing maybahay na si Cherry at ang bunsong anak na si Cherub.

Kahit na nasa rurok na ng tagumpay si Arnel, di niya nakakalimutan na ang lahat ng ito ay bigay at kaloob ng maykapal, kaya marapat lamang na kanya itong ibahagi sa kapwa. Si Arnel ay patuloy na tumutulong at sumusuporta sa mga organisasyong nagtataguyod at tumutulong sa mga batang lansangan at mahihirap niyang kababayan.

Nagsisilbi ring inspirasyon si Arnel sa lahat ng Filipino sa buong mundo. Isa siyang patunay na hindi hadlang ang nakaraan at kahirapan upang marating ang anumang mithiin sa buhay.

Mabuhay ka Arnel! Isa ka sa mga dahilan kung bakit Sikat Ang Pinoy , saan mang sulok ng mundo.

Para sa karagdagang impormasyon patungkol kay Arnel Pineda, tumungo sa mga sumusunod na website:

Interbyu Kay Arnel Pineda Sa Rolling Stone Magazine

Arnel Pineda Opisyal Na Pahina

Wikipedia Ni Arnel Pineda